AnalitikaGündəmSiyasət

Xarici siyasət kursunun dəstəklənməsində Yeni Azərbaycan Partiyasının rolu

Azərbaycanın müstəqil, balanslaşdırılmış və milli maraqlara əsaslanan xarici siyasəti Yeni Azərbaycan Partiyasının proqram məqsədləri ilə tam uzlaşır. Ulu Öndər Heydər Əliyevin müəyyən etdiyi xarici siyasət xətti ölkəmizin beynəlxalq aləmdə təcriddən çıxarılmasına və etibarlı tərəfdaş kimi tanınmasına səbəb olmuşdur. Bu siyasət dövlət suverenliyinin qorunmasına xidmət etmişdir.

Prezident İlham Əliyevin rəhbərliyi dövründə xarici siyasət daha da fəallaşmış, Azərbaycan regional və qlobal səviyyədə əhəmiyyətli aktora çevrilmişdir. Yeni Azərbaycan Partiyası ölkəmizin xarici siyasət uğurlarının beynəlxalq ictimaiyyətə və yerli auditoriyaya izah olunmasında fəal iştirak edir. Beynəlxalq əməkdaşlıq, qarşılıqlı hörmət və bərabərhüquqlu tərəfdaşlıq prinsipləri dəstəklənir.

Partiya beynəlxalq təşkilatlar və xarici siyasi partiyalarla əlaqələrin inkişafına da diqqət yetirir. Partiyalararası dialoq müxtəlif ölkələrin təcrübəsinin öyrənilməsinə, ortaq çağırışların müzakirəsinə və dostluq münasibətlərinin möhkəmləndirilməsinə imkan yaradır. Bu əlaqələr Azərbaycanın beynəlxalq imicinin gücləndirilməsinə əlavə dəstək verir.

Otuz dörd il ərzində Yeni Azərbaycan Partiyası xarici siyasət sahəsində əldə edilən nailiyyətlərin etibarlı dayağı olmuşdur. Partiya bundan sonra da ölkəmizin beynəlxalq nüfuzunun artırılması və milli maraqların qorunması istiqamətində səylərini davam etdirəcəkdir. Uğurlu xarici siyasət təhlükəsiz və firavan gələcəyin rəhnidir.

Bahadur Məmmədov,
YAP Nizami rayon təşkilatının “Heydər Əliyev prospekti, 92a” ərazi partiya təşkilatının sədr müavini

Oxşar Xəbərlər

Back to top button