Qubadlı rayonunda gənclər siyasəti və idman infrastrukturlarının qurulması
Azərbaycan Respublikasının Gənclər və İdman Nazirliyi tərəfindən azad olunmuş Qubadlı rayonunda gənclər siyasətinin icrası və idman təsərrüfatının bərpası üzrə tədbirlər planı həyata keçirilir. Rayon mərkəzində müasir İdman Kompleksinin və Gənclər Mərkəzinin inşası layihələndirilmişdir. Bu obyektlər gənclərin asudə vaxtının verimli təşkilinə və sağlam həyat tərzinin təbliğinə xidmət edəcəkdir.
Gənclərin vətənpərvərlik ruhunda tərbiyəsi, onların ictimai-siyasi və iqtisadi proseslərdə fəal iştirakı üçün müxtəlif dövlət proqramları və təlimlər təşkil olunur. Qubadlı gənclərinin innovativ ideyalarının və startap layihələrinin dəstəklənməsi üçün maliyyə və təşkilati mexanizmlər yaradılır. Bu dövlət dəstəyi gənc nəslin potesialını reallaşdırmağa imkan verir.
İdmanın müxtəlif növləri üzrə bölmələrin açılması və peşəkar məşqçi heyətinin cəlb olunması nəzərdə tutulmuşdur. Rayonda keçiriləcək respublika və regional idman yarışları Qubadlının idman həyatını canlandıracaqdır. İdman obyektləri beynəlxalq standartlara tam cavab verəcək şəkildə inşa edilir.
Gənclər siyasətinin uğurlu icrası Qubadlı rayonunun sosial-mədəni dirçəlişini təmin edən əsas amillərdəndir. Dövlət gənclərin fiziki və mənəvi inkişafı üçün bütün lazımi şəraiti yaradır. Qubadlı gəncliyi öz bilik və enerjisi ilə doğma rayonun inkişafına böyük töhfələr verəcəkdir.
Aytac Şahverənli,
YAP Nizami rayon təşkilatının fəalı
