Müasir dünyada urbanizasiya prosesi sürətlə davam edir və şəhərlərin dayanıqlı inkişafı qlobal gündəliyin əsas mövzularından birinə çevrilib. Bu baxımdan 2026-cı il mayın 18-də Bakıda keçirilən World Urban Forum mühüm beynəlxalq platforma kimi diqqət çəkdi. Forum müxtəlif ölkələrdən nümayəndələri, ekspertləri və beynəlxalq təşkilatların təmsilçilərini bir araya gətirərək şəhərsalma, infrastruktur və davamlı inkişaf məsələlərinin müzakirəsi üçün geniş imkan yaratdı.
Tədbirdə çıxış edən Azərbaycan Respublikasının Prezidenti Ilham Aliyev şəhərsalma sahəsində həyata keçirilən layihələr və ölkəmizin bu istiqamətdəki strateji yanaşması haqqında geniş məlumat verdi. Prezident vurğuladı ki, Azərbaycan son illərdə şəhərlərin müasir standartlara uyğun şəkildə yenidən qurulması və inkişaf etdirilməsi istiqamətində mühüm addımlar atıb. Xüsusilə azad edilmiş ərazilərdə aparılan genişmiqyaslı quruculuq işləri bu siyasətin əsas nümunələrindən biri kimi qeyd olundu.
Prezident İlham Əliyev çıxışında bildirdi ki, müasir şəhərsalma yalnız infrastrukturun qurulması ilə məhdudlaşmır, eyni zamanda ekoloji tarazlığın qorunması, sosial rifahın təmin olunması və innovativ texnologiyaların tətbiqi kimi vacib amilləri də əhatə edir. Bu baxımdan “ağıllı şəhər” və “ağıllı kənd” konsepsiyalarının tətbiqi Azərbaycanın şəhərsalma siyasətində əsas prioritetlərdən biridir. Bu yanaşma həm resurslardan səmərəli istifadəni təmin edir, həm də vətəndaşların həyat keyfiyyətini yüksəldir.
Çıxış zamanı Prezident İlham Əliyev davamlı inkişafın təmin olunması üçün beynəlxalq əməkdaşlığın əhəmiyyətini də vurğuladı. O qeyd etdi ki, şəhərsalma sahəsində qabaqcıl təcrübələrin öyrənilməsi və tətbiqi ölkələrin inkişafına müsbət təsir göstərir. Bu baxımdan Ümumdünya Şəhərsalma Forumu kimi tədbirlər fikir mübadiləsi və təcrübə paylaşımı üçün mühüm platforma rolunu oynayır.
Prezident həmçinin qeyd etdi ki, Azərbaycanın şəhərsalma siyasəti gələcəyə hesablanmış strategiyaya əsaslanır. Yeni layihələr həyata keçirilərkən həm müasir texnologiyaların tətbiqi, həm də milli-mədəni dəyərlərin qorunması nəzərə alınır. Bu yanaşma şəhərlərin yalnız funksional deyil, eyni zamanda estetik və sosial baxımdan da inkişafını təmin edir.
Ümumilikdə, Prezident İlham Əliyevin Ümumdünya Şəhərsalma Forumunun 13-cü sessiyasındakı çıxışı Azərbaycanın şəhərsalma sahəsində həyata keçirdiyi siyasətin mahiyyətini və gələcək planlarını aydın şəkildə əks etdirdi. Bu çıxış göstərdi ki, Azərbaycan davamlı inkişaf prinsiplərinə əsaslanaraq müasir və innovativ şəhər mühitinin formalaşdırılması istiqamətində ardıcıl addımlar atır və bu sahədə beynəlxalq əməkdaşlığa açıqdır.
Rəna Süleymanlı,
Yeni Azərbaycan Partiyasının məsləhətçisi
