Azərbaycan Silahlı Qüvvələrinin formalaşması və dövlətimizin suverenliyinin bərpası prosesində hərbi qulluqçuların mənəvi-psixoloji durumu ilə yanaşı, onların sosial və maddi təminatı da prioritet istiqamətlərdən biri hesab olunur. Son dövrlərdə həyata keçirilən sosial islahat paketləri çərçivəsində hərbçilərin əməkhaqqı, əlavə ödənişləri və pensiya təminatı sistemində bir sıra mühüm dəyişikliklər reallaşdırılıb.
Hərbçilərin pul təminatının artırılması sistemli xarakter daşıyır.
Azad edilmiş ərazilərdə və çətin iqlim şəraitində xidmət keçən hərbi qulluqçuların vəzifə maaşlarına tətbiq edilən əmsallar yüksəldilib.
Hərbi qulluqçuların aylıq pul təminatının tərkib hissəsi olan vəzifə və rütbə maaşları ölkə üzrə orta aylıq əməkhaqqı artım dinamikasına uyğun olaraq mərhələli şəkildə artırılır. Xidmət illərinə görə verilən faiz əlavələrinin qaydaları təkmilləşdirilib, bu da kadr heyətinin ordu sıralarında daha uzunmüddətli xidmət etməsini stimullaşdırır.
Hərbi qulluqçuların pensiya təminatı “Əmək pensiyaları haqqında” Qanuna uyğun olaraq, vahid indeksasiya və sosial müdafiə mexanizmi çərçivəsində tənzimlənir.
Hərbçilərin və hüquq-mühafizə orqanlarının təqaüdçülərinin pensiyaları hər ilin əvvəlində Dövlət Statistika Komitəsinin elan etdiyi orta aylıq əməkhaqqının illik artım tempinə uyğun olaraq avtomatlaşdırılmış qaydada indeksləşdirilir.
Fərdi hesablarda toplanan pensiya kapitalı ölkə üzrə istehlak qiymətləri indeksinə uyğun indeksləşdirilərək artırılır.
Ölkə üzrə minimum əmək pensiyasının 320 manata qaldırılması və orta aylıq pensiya göstəricilərinin yüksəldilməsi hərbi pensiyaçılara ödənilən baza məbləğlərinə də müsbət təsir göstərmişdir.
Hərbi sahədə reallaşdırılan bu sosial islahatların bir neçə əsas məqsədi vardır.
Yüksək maddi təminat və gələcək pensiya zəmanəti peşəkar kadrların ordu sıralarına cəlb olunmasını sürətləndirir.
İllik indeksasiya mexanizmi hərbçilərin və onların ailələrinin alıcılıq qabiliyyətini inflyasiya təzyiqlərindən qoruyur.
Silahlı Qüvvələrin şəxsi heyətinin sosial rifahının yüksəldilməsi bilavasitə ölkənin müdafiə qabiliyyətinin artırılmasına xidmət edir.
Dövlətin hərbçilərə göstərdiyi bu diqqət və qayğı həm xidmətdə olan şəxsi heyətin həvəsləndirilməsində, həm də ehtiyatda olan veteranların layiqincə qiymətləndirilməsində mühüm rol oynayır.
Həmidə Əliəvsərova,
KBTRL-nin həkim-pediatr
