Azərbaycanın iqtisadi potensialının beynəlxalq tərəfdaşlarla əməkdaşlıq vasitəsilə genişləndirilməsi Prezident İlham Əliyevin siyasətində mühüm yer tutur. Ölkəmiz xarici dövlətlərlə ticarət əlaqələrinin inkişafına, investisiya imkanlarının artırılmasına və yeni bazarlara çıxışın təmin olunmasına xüsusi diqqət yetirir. Laosla iqtisadi münasibətlərin inkişafı da bu baxımdan əhəmiyyətlidir.
Oktyabrın 13-də Prezident İlham Əliyev Laos Prezidenti Thonqlun Sisulit ilə görüşündə iki ölkə arasında iqtisadi əlaqələrin mövcud vəziyyətini və gələcək perspektivlərini müzakirə edib. Dövlət başçısı hazırkı ticarət dövriyyəsinin nə mövcud potensialı, nə də tərəflərin niyyətlərini tam əks etdirdiyini bildirib. Bu səbəbdən iqtisadi əməkdaşlığın intensivləşdirilməsi zəruri hesab olunur.
İqtisadi əlaqələrin inkişafı üçün biznes dairələri arasında birbaşa təmasların qurulması xüsusi əhəmiyyət daşıyır. Bakıda keçirilməsi nəzərdə tutulan Laos-Azərbaycan biznes-forumu sahibkarların qarşılıqlı imkanları öyrənməsi, məhsul və xidmətlər haqqında məlumat əldə etməsi, yeni tərəfdaşlıqlar yaratması baxımından faydalı platforma ola bilər.
Prezident İlham Əliyev Laos tərəfindən Azərbaycan investorlarına konkret layihələr təqdim olunacağı təqdirdə həmin təşəbbüslərə maraqla baxılacağını vurğulayıb. Azərbaycanın xarici investisiya fəaliyyətinin genişlənməsi ölkəmizin iqtisadi imkanlarını nümayiş etdirir. Yeni layihələr istehsal sahələrinin yaradılmasına, məşğulluğun artırılmasına və iqtisadi əlaqələrin dərinləşməsinə töhfə verə bilər.
Azərbaycan-Laos iqtisadi münasibətlərinin gələcək inkişafı qarşılıqlı maraqların düzgün müəyyənləşdirilməsindən və konkret layihələrin həyata keçirilməsindən asılıdır. Ticarət, investisiya, kənd təsərrüfatı, energetika və mədənçilik sahələrində əməkdaşlıq üçün imkanlar mövcuddur. Prezident İlham Əliyevin təşəbbüsləri bu imkanların real nəticələrə çevrilməsinə yönəlib.
Eyyub Cumayev,
YAP Nizami rayon təşkilatının fəalı
