YAP Astara rayon təşkilatının təşkilatçılığı ilə Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin Partiyanın VIII Qurultayındakı nitqindən irəli gələn məsələlərə həsr olunmuş tədbirlər çərçivəsində Astara Rayon Mərkəzi Xəstəxanasında müşavirə keçirilib.
Öncə Ümummilli Lider Heydər Əliyevin və Vətənimizin azadlığı və suverenliyi uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan qurultay nümayəndəsi, Astara Rayon Mərkəzi Xəstəxanasının direktoru, ərazi partiya təşkilatının sədri Bahadır Əhmədov cənab İlham Əliyevin VIII Qurultaydakı nitqində müəyyənləşdirilən əsas istiqamətlər, Yeni Azərbaycan Partiyasının qarşısında duran yeni vəzifələr və ideoloji fəaliyyətin müasir dövrün tələblərinə uyğun qurulmasının əhəmiyyəti barədə ətraflı danışıb.
B. Əhmədov Prezident İlham Əliyevin müəyyənləşdirdiyi strateji hədəflərin, milli maraqların və dövlətçilik prinsiplərinin rəhbər tutulmasının, partiya fəaliyyətinin daha da gücləndirilməsinin və qarşıya qoyulan vəzifələrin ardıcıl şəkildə həyata keçirilməsinin vacibliyi qeyd edib.
Çıxış edən YAP Astara rayon təşkilatının məsul əməkdaşı Elçin Məmmədəliyev və xəstəxananın əməkdaşı Elşad Süleymanlı qurultayda səsləndirilən fikirlərin əhəmiyyətini vurğulayaraq, qarşıya qoyulan vəzifələrin həyata keçirilməsində partiya üzvlərinin və səhiyyə işçilərinin üzərinə düşən məsuliyyətdən bəhs ediblər.
Qeyd olunub ki, Yeni Azərbaycan Partiyasının müəyyən etdiyi hədəflərə sadiqlik, dövlətçiliyimizə xidmət və xalqımıza layiqli xidmət əsas fəaliyyət prinsipimizdir!
