Sosial müdafiə sisteminin müasir tələblərindən biri xidmətlərin vətəndaş üçün daha əlçatan və operativ təşkil edilməsidir. Hərbi qulluqçuların pensiya təyinatının tam elektronlaşdırılması bu istiqamətdə mühüm dəyişiklik kimi nəzərdən keçirilir. Elektron mexanizm sənəd dövriyyəsinin və fiziki müraciətlərin azalmasına şərait yaradır.
Pensiya təyinatında məlumatların elektron sistemlərdən əldə edilməsi və avtomatlaşdırılmış hesablamaların tətbiqi bürokratik prosedurların sadələşdirilməsinə imkan verir. Xüsusilə uzun illər xidmət etmiş şəxslər üçün pensiya prosesinin daha rahat təşkili sosial xidmətlərin keyfiyyəti baxımından əhəmiyyətlidir.
Elektronlaşma həm də sosial təminatda məlumatların dəqiqliyini və uçotun sistemləşdirilməsini gücləndirə bilər. Bu baxımdan pensiya təyinatının rəqəmsal əsasda aparılması sosial siyasətin texnoloji transformasiyasının hərbi qulluqçulara tətbiq olunan mühüm nümunələrindən biridir.
Rəşad Hüseynəliyev,
YAP Nizami rayon təşkilatının “Heydər Əliyev prospekti, 185B” ərazi partiya təşkilatının sədri
